XARIG JARKA XARUNTA CUSUB EE ISTIKBAL SOMALIA.

Shirkadda qalabka dhismaha ugu weyn dalka Turkiya ee Istikbal oo mataano la ah Jawhara Furnitures, ayaa xarun cusub ka furatay Somaliya, gar ahaan magalada Muqadisho, munaasabadda xarig jarka oo aheyd mid her sare lo soo agaasimay ayaa waxaa kaso qayb galay, Wasiiru Dowlaha Madaxtooyada Abshir Buqaari, Guddoomiye ku-xigeenka Amniga iyo Siyaasada Maamulka Gobolka Banaadir Mudane Maxamed Ahmed Diiriye (Yabooh), ganacsato uu hogaaminaayo Guddomiye ku-xigeenka Rugta Ganacsiga iyo Warshadaha Soomaaliyeed Mudane Cabdiraxman Cabdullahi Adam “Galambe” oo uu wehliyo Guddomiyha Rugta Ganacsiga Gobolka Banaadir, Mudane Axmed Cabdullahi Xasan “Shariif”, iyo Bulshada qaybaheda kala duwan.

Wasiiru Dowlaha Madaxtooyada Abshir Maxamed ayaa bogaadiyay Jawhara Furnitures kalsoonida weyn ee ay ku kasbatay inay waddanka keento shirkadda Istikbal oo ay la mataanawdo. Guddomiye ku-xigeenka Rugta Ganacsiga Mudane “Galambe” waxaan ganacsatada Soomaaliyeed, leehay hambalyo waxaad keenteen shirkad weyn oo macna ugu fadhido dadka, Istikbal waxaa ay xarumo ku leedahay dhowr dal, in Soomaaliya laga furana waxa ay cadeyn u tahay horumarka Ganacsiga ee dalku gaarayo mudooyinkii danbe.


DHAMMAAD
Wixii faahfaahin ah, fadlan kala xiriir;
Xafiiska Warfaafinta Rugta Ganacsiga iyo Warshadaha Soomaaliyeed
Adam Hassan Mohamud
somalichamberofcommerce@gmail.com,
info@somalichamber.so
@somaliacci
      

SHIRWEYNAHA SANADLAHA EE URURKA MIDOWGA JAAMACADAHA SOOMAALIYEED 2024.

Shir Sanadeedka Ururka Midwga Jaamacadaha Soomaaliyeed ayaa manta ka furmay magaalada Muqdisho, waxaana kaso qayb galay Wasiirka Wasaaradda Waxbarashada, Hiddaha Iyo Tacliinta Sare XFS Mudane Farah Sheikh Abdulkadir, Xildhibaan Cabdullaahi Faarax Mire, Guddomiye ku-xigeenka Rugta Ganacsiga iyo Warshadaha Soomaaliyeed Mudane Cabdiraxman Cabdullahi Adam “Galambe” iyo Xubno ka socda Jaamacadaha dalka iyo Guud ahaan bahda wax barashada.

 

Wasiirka Wasaaradda Waxbarashada, Hiddaha Iyo Tacliinta Sare Mudane Farah Sheikh Abdulkadir, ayaa soo dhaweeyay, waxaa uuna sheegay in meesha umadda laga hogaamiyo ay tahay wax barashada sare, Ururkaane loga baahan yahay in ay wax ka badalaan fakarka iyo maskaxda dhalilyarada Soomaaliyeed ee kujira ama kuso biiri doona Jaamacadaha, sidokale in uu Ururku sameeyo Cilmi Baarisyo ay iska kaashanayaan dhaxdooda, laguna xalinayo mashaakilaadka kajira guud ahaan dalka.

 

Gudoomiyaha Midowga Ururka Jaamacadaha Professor Bideey, waxaa uu isna sheegay in shirkaani loogu tala galay inla isku xog wareysto, waxyaabihii u qabsamay Ururka iyo waxyaabaha u qorsheysan sanadkaan, si loogaaro horuma.

Guddomiye ku-xigeenka Rugta Ganacsiga iyo Warshadaha Soomaaliyeed Mudane Cabdiraxman Cabdullahi Adam “Galambe” ayaa isna bogaadiyay Midowga Jaamacadaha, waxaanuu sheegay in la joogo waqtigii Bahda waxbarashada ay kor u qaadi lahaayeen tayada waxbarashada sare.

 

DHAMMAAD
Wixii faahfaahin ah, fadlan kala xiriir;
Xafiiska Warfaafinta Rugta Ganacsiga iyo Warshadaha Soomaaliyeed
Adam Hassan Mohamud
somalichamberofcommerce@gmail.com,
info@somalichamber.so
@somaliacci

GANACSATO U-DHALATAY DALKA KUWEYT OO BOQOSHA KUYIMID XARUNTA RUGTA GANACSIGA.

Guddomiyaha Rugta Ganacsiga iyo Warshadaha Soomaaliyeed Mudane Maxamuud Cabdi Cali “Gabeyre” oo ay wehliyaan, Guddomiye ku-xigeenka Rugta Ganacsiga mudane Cabdiraxman Cabdullahi Adam “Galambi” iyo Xoghayaha Guud ee Rugta Ganacsiga ahna Gudoomiyaha Rugta Ganacsiga iyo Warshadaha Jubaland Mudane Xuseen Raabi Kaahin, ayaa kulan la qaatay Ganacsato u-dhalatay dalka Kuweyt, oo ay wehliyaan, xildhibaano katirsan Barlamaanka JFS.

Read more

FURITAANKA XARUNTA SUUQ BACAAD EE IDMAN COMMUNITY BANK.

Bangiga Idman Community Bank ayaa manta xaruntiisi 4aad ka furay magalada muqdisho gaar ahaan suuq Bacaad, munaasabada furitaanka oo aheed mid heer-sare loo soo agaasimay ayaa waxaa ka qayb galay Guddomiyaha Rugta Ganacsiga iyo Warshadaha Soomaaliyeed Mudane Maxamuud Cabdi Cali “Gabeyre” Guddomiyha Rugta Ganacsiga Gobolka Banaadir, Mudane Axmed Cabdullahi Xasan “Shariif” iyo ganacstada suuq Bacaad oo uu hogaaminaayo Guddomiyaha suuq bacaad mudane Yusuf Shekh Wehliye.

Ugu horeyntii waxaa manaasabada furitaanka xafladda Bangiga ka warbixiyay Guddomiyaha Idman Community Bank Safiirad Khadiija Cosoble Cali, “Idman Community Bank waxaan ugu tala galay in uu ka gadisnaado Bangiyada dalka, waxaan rabaa in uu naqdo bangi ay bulshadu wada leedahay, maalgalintiisa, taladiisa, iyo hormakiisa intaba waxaan rabaa in ay bulshada ka imaato”

Guddomiyaha Rugta Ganacsiga ayaa ugu horeyntii ka mahad celiyay adeegyada Idman Community Bank uu bixiyo, waxana uu gancsatada ugu baaqay in ay xaruntaan, sidhaw ula shaqeeyaan madaama ganacsatada iyo bangiyadu aysan kala marmin.

 

DHAMMAAD
Wixii faahfaahin ah, fadlan kala xiriir;
Xafiiska Warfaafinta Rugta Ganacsiga iyo Warshadaha Soomaaliyeed
Adam Hassan Mohamud
somalichamberofcommerce@gmail.com,
info@somalichamber.so
@somaliacci

 

KATASHIGA QORSHAHA ISBEDDELKA QARAN

Guddomiye ku-xigeenka Rugta Ganacsiga iyo Warshadaha Soomaaliyeed Mudane Cabdiraxman Cabdullahi Adam “Galambe” oo ay wehliyaan, Xoghayaha Guud ee Rugta Ganacsiga ahna Gudoomiyaha Rugta Ganacsiga iyo Warshadaha Jubaland Mudane Xuseen Raabi Kaahin, Guddomiyha Rugta Ganacsiga Gobolka Banaadir, Mudane Axmed Cabdullahi Xasan “Shariif” iyo Agaasime Ku-xigeenka Rugta Ganacsiga Prof Ciise M Xalane ayaa ka qayb shir wada-tashi ah oo loogga hadlaayey Qorshaha Isbeddelka Qaran ee ay wado Xukuumadda uu hoggaamiyo Ra’iisal Wasaare Hamza Abdi Barre.

Shirkaan ayaa kadhacay xarunta Wasaaradda Ganacsiga iyo Warshadaha, waxaana shir gudoominayay, Wasiir ku xigeenka Wasaaradda Ganacsiga XFS Xildhibaan Osman Mohamed Abdi (Daallo), waxaana kaso qayb galay xubno sare sare oo ka socday xafiiska Ra’iisal Wasaaraha XFS, Agaasimeyaasha Wasaaradda Ganacsiga, iyo masuuliyiinta Rugta Ganacsiga.

Shirkaan ayaa waxaa diiradda lagu saaray doorka muhiimka ah ee ganacsiyada gaarka ah ay ka qaadan karaan hirgelinta barnaamijkan, Qorshaha Isbeddelka Qaran, maadaama ay kaalin muhiim ah kaga jiraan horumarka iyo kobaca dhaqaalaha ee dalka. Masuuliyiinta Rugta Ganacsiga ayaa so dhaweyay hergalinta Qorshaha Isbeddelka Qaran.

DHAMMAAD
Wixii faahfaahin ah, fadlan kala xiriir;
Xafiiska Warfaafinta Rugta Ganacsiga iyo Warshadaha Soomaaliyeed
Adam Hassan Mohamud
somalichamberofcommerce@gmail.com,
info@somalichamber.so
https://somalichamber.so/
Facebook:https://lnkd.in/eqWvWFUb
@somaliacci
https://lnkd.in/eNmXCiXD
https://lnkd.in/eKwPsET5
https://lnkd.in/dMdjn3Y

 

 

       

HAY’ADDA MAARAYNTA MUSIIBOOYINKA QARANKA SOOMAALIYEED OO KULAN LA QAADATAY RUGTA GANACSIGA.

Hay’adda Maaraynta Musiibooyinka Qaranka Soomaaliyeed oo uu hogaaminayo Guddoomiyaha Hay’adda, Mudane Maxamuud Macalin ayaa kulan la qaatay Ganacsato ay hogaaminayaan Mamulka sare ee Rugta Ganacsiga iyo Warshadaha Soomaaliyeed, kulanka ayaa waxaa diiradda lagu saaray ka hortaga musiibooyinka dhicikara sanadkaan, taasi oo ku timid daraasad lagu odorosay.

Read more

BANDHIGA SUUQ WEYNAHA MUQDISHO.

Guddomiyaha Rugta Ganacsiga iyo Warshadaha Soomaaliyeed Mudane Maxamuud Cabdi Cali “Gabeyre” oo ay wehliyaan Guddoomiye ku-xigeenka Rugta Ganacsiga Mudane Cabdiraxman Cabdullahi Adam “Galambi” iyo Xoghayaha Guud ee Rugta Ganacsiga, ahna Gudoomiyaha Rugta Ganacsiga iyo Warshadaha Jubaland Mudane Xuseen Raabi Kaahin, ayaa ka qayb galay Bandhiga Suuq Weynaha Muqdisho oo sanadkii 5-aad maanta ka furmay Magaalada Muqdisho.

Read more

MADASHA AQOON ISWEYDAARSIGA WACYIGELINTA IYO FAHAMKA HESHIISKA AFCFTA IYO HIRGELINTA XOG-KEYDIYAHA GANACSIGA SOOMAALIYA

Wasaaradda Ganacsiga iyo Warshadaha – Soomaaliya ayaa soo qaban qaabisay Madasha aqoon isweydaarsiga wacyigelinta iyo fahamka heshiiska AFCFTA iyo hirgelinta xog-keydiyaha ganacsiga Soomaaliya, waxaana kaso qayb galay masuuliyiin kala duwan oo ka kala tirsan Barlamaanka, xukuumadda, iyo Ganacsato ay hogaaminayaan masuuliyiinta Rugta Ganacsiga iyo Warshadaha Soomaaliyeed, iyo Bulshada Rayidka.

Read more

MUNAASABADDA DAAHFURKA DAYACTIRKA DIYAARADAHA EE GAROONKA AADAN-CADDE.

Shirkadda Erosom ayaa manta loo daah-furay goob loogu tala galay in lagu dayactiro diyaaradaha “Maintenance repair overhaul MRO” munaasabadda daah-furka oo aheed mid heerkedu sareyo, ayaa waxaa kaso qayb galay masuliyiin kala duwan oo ay ugu horeeyaan xubno katirsan Barlamaanka labadiisa aqal, Wasiirada Wasaaradda Gadiidka iyo Duulista Hawada Soomaaliyeed, Wasiir ku-xigeenka Wasaaradda Ganacsiga iyo Warshaddaha Soomaaliyeed, Ganacsato ay hogaaminayaan mamulka Rugta Ganacsiga iyo Warshadaha Soomaaliyeed. Iyo culuma’udiin.
Shirkadda Erosom ayaa ah shirkadii ugu horeysay ee qaada jaha ka gadisan midkii lagu yaqaanay gancsatada dalka, dhanqanka Ganacsiga Soomaaliya iyo tarikhdiisa intaba, waxaana laxoojiyay in fikirka nucaan ah uu yahay midka keenaya hormarka Ganacsiga Soomaalida, ayna kabi-karana dhaqalaha dalka. Yagleelidda shirkadaani ayaa waxaa iska kaashaday ganacsato Soomaaliyeed.
Dhamaan masuuliyiintii kulanka kaso qayb gashay ayaa bogaadiyay adeega ay soo kordhisay shirkada Erosom. Ugu danbeyntii Wasiirada Wasaaradda Gadiidka iyo Duulista Hawada Soomaaliyeed oo kulanka soo xertay ayaa ganacsatada ugu baqdayin in ay malgashadaan dhanka duulista hawada, halkaasi oo ay kajiraan fursado ganacsi oo farabadan.
DHAMMAAD
Wixii faahfaahin ah, fadlan kala xiriir;
Xafiiska Warfaafinta Rugta Ganacsiga iyo Warshadaha Soomaaliyeed
Adam Hassan Mohamud
somalichamberofcommerce@gmail.com,
info@somalichamber.so
@somaliacci

MAALINTA CAALAMIGA EE FURDOOYINKA CAALAMKA ”INTERNATIONAL CUSTOMS DAY”

Xaflad loogu dabaal degaayay Maalinta Furdooyinka Caalamga oo ku beegan 26-January-2024, ayaa waxaa dekedda Magaaladda Muqdishu ku qabtay, furdooyinka Soomaaliya. Munaasabadaani oo aheed mid heer sare loo soo agaasimay ayaa waxaa kaso qayb galay Wasiirka Wasaaradda Maaliyadda XFS 𝐗𝐢𝐥𝐝𝐡. 𝐁𝐢𝐢𝐱𝐢 𝐈𝐦𝐚𝐚𝐧 𝐂𝐢𝐠𝐞, Wasiir ku xigeenka Wasaaradda 𝐗𝐢𝐥𝐝𝐡. 𝐂𝐚𝐛𝐝𝐢𝐪𝐚𝐟𝐚𝐚𝐫 𝐂. 𝐗𝐚𝐚𝐧𝐠𝐞, Agaasimaha guud ee Wasaaradda Mudane Saleiman Sh. Cumar, Agaasimaha guud ee Dakhliga Faysal M. Xaashi, Agaasimaha furdooyinka, Guddoomiye ku-xigeenka maamulka iyo maaliyadda Gobolka Banaadir Mudane Ciise Guur, Guddoomiye Ku Xigeenka Bankiga Dhexe Mudane Dr. Ali Yaasiin, Maareeyaha Dekedda Xamar Mudane Axmed Washington, Madaxa Howlaha Guud ee Al Beyrak Mudane Jockan, iyo Ganacsato uu hogaaminaayo Gudoomiyaha Rugta Ganacsiga iyo Warshadaha Soomaaliyeed Mudane Maxamud Cabdi Cali “Gabeyre”
Gaba-gabadii xafladda ayaa waxa shahaadooyin la guddon siiyay Rugta Ganacsiga, qar kamida ganacsatada soodajinta, Bangiga Dhaxe iyo xubno ka tirsan howl wadeenada furdooyinka Soomaaliya. Dhamaan masuuliyiintii kaso qayb gashay xafladda ayaa u hanbalyeeyay furdooyinka Soomaaliya iyo Furdooyinka Caalamka, waxaana ay kula dar-daarmeen in howlaha ay bulshada u haayaan ay kordhiyaan, ayna fududeeyaan adeeg yada Ganacsiga dalka.
DHAMMAAD
Wixii faahfaahin ah, fadlan kala xiriir;
Xafiiska Warfaafinta Rugta Ganacsiga iyo Warshadaha Soomaaliyeed
Adam Hassan Mohamud
somalichamberofcommerce@gmail.com,
info@somalichamber.so
@somaliacci