Shirweynaha Midowga bangiyada iyo Maaliyadda Soomaaliya ayaa manta ka furmay Magaalada Muqdishu, waxaana diiradda lagu saaray maalgashiga, kobcinta kaabayaasha dhaqaalaha iyo talooyinka ku aaddan dib u habaynta nidaamka maaliyadeed ee dalka.Sshirkaani ayaa waxaa si rasmi ah u-daahfuray Madaxweynaha Jamhuuriyadda Federaalka Soomaaliya Mudane Dr Xasan Sheekh Maxamuud. Waxana kaso qaby galay, Xildhibaano, Wasiiro, iyo Ganacsato ay hogaaminayaan qar kamid ah maamulka sare ee Rugta Ganacsiga iyo Warshadaha Soomaaliyeed.
Madaxweynaha Jamhuuriyadda Federaalka Soomaaliya Mudane Dr Xasan Sheekh Maxamuud oo shirka furay ayaa soo dhaweyaya horumarka ay sameeyeen Midowga Bangiyadda dalka, “Bangiyada iyo hay’adaha isgaarsiinta waan bogaadinayaa laakin waxaan ku adkeeynaya ganacsatada in ay bixiyaan canshuurta oo aysan ka dhuuman hannaanka iyo xeerka loo dejiyey, ogaada canshuurta shacabka ayaa bixiyo idinkuna fududeeyayaal ayaa tihiin, waxaana lagu qabanaya canshuurta adeegyada bulshada iyo sugidda amniga, waxayna qeyb ka tahay shaqada dowladda canshuur qaadidda. Dowladda Soomaaliya ahmiyadda gaar ah ay siisay dhisidda hay’addaha muhiimka u ah horumarinta bangiyada iyo hirgelinta xeerarka hagaya, taas oo sahashay kalsoonida lagu qabo shaqadooda iyo guusha weyn ee suurtagalisay qabsoomidda shirkan.
Guddoomiyaha Rugta Ganacsiga iyo Warshadaha Soomaaliyeed, Mudane Mahamud Abdi Ali “Gabeyre” oo kulanka hadlay ayaa ugu horeyntii soo dhaweeyay hormarka balaaran ee ay sameeyeen Midowga Bangiyadu, “waxaan soo garnay heerka is aaminaada Ganacsatadu in qofka Ganacsatada ah ee u saf-raaya Dubia, in lacag kaash ah loodhiibo si uu ugu geeyo qofkale oo ku sugan Dubai, ayadda oo aan laga tirin kaliya magac ayaa korka loga qorayaa kadibna boorsadda ayuu kuridayaa, marka uu tago waxaa kuso xomayo ganacsatado qof waliba waxa uu labaxaya kaliya mida magaciisu ku qoran yahay. Mantase waxaan mareyna heer kaan casriga ah”
DHAMMAAD
Wixii faahfaahin ah, fadlan kala xiriir;
Xafiiska Warfaafinta Rugta Ganacsiga iyo Warshadaha Soomaaliyeed
Adam Hassan Mohamud
somalichamberofcommerce@gmail.com,
info@somalichamber.so
@somaliacci
