Madaxweynaha Jamhuuriyadda Federaalka Soomaaliya Mudane Xasan Sheekh Maxamuud, ayaa daahfuray Shirweynaha Xoojinta Iskaashiga Urur Gobaleedka Dhaqaalaha Bariga Afrika EACON 2024. Shirkaani oo ah shirkii ugu horeyay ee EAC masuuliyiin kasocda ay Muqdisho uga qayb galan. Shirkan oo socon doona muddo laba cisho ah ayaa looga hadlayaa sidii Soomaaliya ay uga faa’iideysan lahayd ku biirista Ururka Dhaqaalaha ee Bulshada Bariga Afrika.
Images
XARIG JARKA XARUNTA CUSUB EE ISTIKBAL SOMALIA.
Shirkadda qalabka dhismaha ugu weyn dalka Turkiya ee Istikbal oo mataano la ah Jawhara Furnitures, ayaa xarun cusub ka furatay Somaliya, gar ahaan magalada Muqadisho, munaasabadda xarig jarka oo aheyd mid her sare lo soo agaasimay ayaa waxaa kaso qayb galay, Wasiiru Dowlaha Madaxtooyada Abshir Buqaari, Guddoomiye ku-xigeenka Amniga iyo Siyaasada Maamulka Gobolka Banaadir Mudane Maxamed Ahmed Diiriye (Yabooh), ganacsato uu hogaaminaayo Guddomiye ku-xigeenka Rugta Ganacsiga iyo Warshadaha Soomaaliyeed Mudane Cabdiraxman Cabdullahi Adam “Galambe” oo uu wehliyo Guddomiyha Rugta Ganacsiga Gobolka Banaadir, Mudane Axmed Cabdullahi Xasan “Shariif”, iyo Bulshada qaybaheda kala duwan.
Wasiiru Dowlaha Madaxtooyada Abshir Maxamed ayaa bogaadiyay Jawhara Furnitures kalsoonida weyn ee ay ku kasbatay inay waddanka keento shirkadda Istikbal oo ay la mataanawdo. Guddomiye ku-xigeenka Rugta Ganacsiga Mudane “Galambe” waxaan ganacsatada Soomaaliyeed, leehay hambalyo waxaad keenteen shirkad weyn oo macna ugu fadhido dadka, Istikbal waxaa ay xarumo ku leedahay dhowr dal, in Soomaaliya laga furana waxa ay cadeyn u tahay horumarka Ganacsiga ee dalku gaarayo mudooyinkii danbe.
DHAMMAAD
Wixii faahfaahin ah, fadlan kala xiriir;
Xafiiska Warfaafinta Rugta Ganacsiga iyo Warshadaha Soomaaliyeed
Adam Hassan Mohamud
somalichamberofcommerce@gmail.com,
info@somalichamber.so
@somaliacci
MADASHA AQOON ISWEYDAARSIGA WACYIGELINTA IYO FAHAMKA HESHIISKA AFCFTA IYO HIRGELINTA XOG-KEYDIYAHA GANACSIGA SOOMAALIYA
Wasaaradda Ganacsiga iyo Warshadaha – Soomaaliya ayaa soo qaban qaabisay Madasha aqoon isweydaarsiga wacyigelinta iyo fahamka heshiiska AFCFTA iyo hirgelinta xog-keydiyaha ganacsiga Soomaaliya, waxaana kaso qayb galay masuuliyiin kala duwan oo ka kala tirsan Barlamaanka, xukuumadda, iyo Ganacsato ay hogaaminayaan masuuliyiinta Rugta Ganacsiga iyo Warshadaha Soomaaliyeed, iyo Bulshada Rayidka.
SHIR WEYNAHA HAWEENKA GANACSATADA SOOMAALIYEED.
Gudoomiyaha Rugta Ganacsiga iyo Warshadaha Soomaaliyeed Mudane Maxamud Cabdi Cali (Gabeyre) oo ay wehliyaan qaarkamid ah Ganacsatadda dalka ayaa ka qayb galay Shir Weynaha Haweenka Ganacsatada Soomaaliyeed, oo ay soo qaban qabiyeen SOMALI WOMAN IN BUSINESS. SWIB FORUM. Kulankaani oo ahaay mid heer sare looso agaasimay ayaa waxaa ka qayb galay xubno kasocday xildhibaanadda labada aqal, Wasiirka Wasaaradda Maaliyadda Dr Cilmi Maxamed Nuur, Haween kala duwan, Ganacsato iyo maamulka Rugta Ganacsiga iyo Warshadaha Soomaaliyeed.
Wasiirka Maaliyadda Jamhuuriyadda Federaal Soomaaliya, Dr. Cilmi Maxamed Nuur oo kasoo qeyb galay Shir Weynahah Haweenka Ganacsatada Soomaaliyeed ayaa yiri, “Waa ii farxad inaa kasoo qayb galo Shir weynahan. Haweenka Soomaalida waxaa loo aqoonsan yahay inay yihiin dadka ugu adkeysiga badan, waxayna laf dhabar u ahaayeen jiritaanka dhaqankeena, waxayna muujiyeen sida ay u ilaaliyeen bulshadeena iyo qoysaskeenna. Waxaana ku bogaadinayaa habaleheen in ay kordhiyan barashada xirfadaha gacanta.”
Gudoomiyaha Rugta Ganacsiga Mudane (Gabeyre) ayaa xusay sida haweenka ay uga wanagsan yihiin ragga marka loo eego horumarinta dhaqaalaha, isla markaana ay mansabyo sare ka hayaan ganacsiga dalka “Rugta Ganacsiga waxay si dhow ula shaqaynaysaa hay’adda UNIDA si kor loogu qaado tayada haweenka ganacsiga kujira, Rugta Ganacsiga mar waliba waxa ay diyaar u ahay in ay haweenka Soomaaliyeed ka taageero ganacsigooda dhinac walba oo nolosha ah.”
DHAMAAD.
Masuuliyiinta Rugta Ganacsiga oo kulan la yeeshay Ganacsato dalka Turkey kuwasu oo uu wehliyo madaxa hay’adda TIKA Soomaaliya mudane Ilhami Turus.
Masuuliyiinta Rugta Ganacsiga iyo Warshadaha Soomaaliyeed oo ay ugu horeyaan Guddomiyaha Rugta Ganacsiga Mudane Maxamud Abdi Ali “Gabeyre” Gudomiye ku-xigeeka Rugta Ganacsiga Mudane Abdirahman Abdullhi Adam “Galambi” Gudomiyaha Rugta Ganacsiga Gobolka Banaadir Mudane Ahmed Abdullahi “Shariif Carro” iyo Ganacsatada qaybaheeda kala duwn, ayaa xafiiska Rugta ku qaabilay Ganacsato kala duwan oo ka socotay dalka Turkey gar ahaan magaaladda Trabson kuwasu oo uu wehliyo madaxa hay’adda TIKA Soomaaliya mudane Ilhami Turus, ganacsatadaani ayaa ujeedkodu ahay siddii ay dalka uga samayn lahaayeen Maalgashi iyo Ganacsiyo kala duwan.
Guddomiyaha Rugta Mudane “Gabeyre” ayaa la wadaagay fursadaha Ganacsiga iyo kuwa Maalgashi ee guud ahaan dalka ka jira, sidokale Agaasimaha Guud ee Rugta Ganacsiga Mudane Abdi Abshir Dorre ayaa soo jeediyay warbixin ka hadleysa xariirka ganacsi ee udhaxeeya soomaaliya iyo Turkya, iyo wax isdhaaf siga labada dal,
Madaxa hay’adda TIKA ee Soomaaliya Mr. Ilhami Turus, ayaa ka mahad-celiyeen siddii qiimaha badnayd ee looggu soo dhaweeyey wadanka iyaga oo soo bandhigay qaybaha kala duwan ee ganacsiyada ay danaynayaan kuwaas oo muhiim u ah dhinacyada kobaca dhaqaalaha iyo shaqo abuurka dalka iyo weliba xiriirka ganacsi ee labada dal.
Dhamaad.
BANDHIG CARWEEDKA SHAQADA MOGADISHO “MOGADISHU JOB FAIR”
Bandhigaani ayaa ah markiisi 4aad oo ay so qaban qaabiyay Hano Academy, waxana kaso qayb galay qaybaha kala duwan ee bulshadda, oo ay ugu horeyaan dhalinyarada Jaamacaddaha soo dhameyay, Bangiyadda, Ganacsatadda yar yar, Hay’adda SOS CHILDEREN’S VIALLAGES, iyo Rugta Ganacsiga iyo Warshadaha Soomaaliyeed. Bandhigaani ayaa ahaay mid diiradda lagu sarayay sidii dhalin yaradda shaqo logu abuuri lahay, loona hormarin lahay xirfaddaha shaqada.
Anisa Cusmaan Cali oo ku hadleysay magaca SOS CHILDEREN’S VIALLAGES ayaa tiri “Waan ku faraxsannahay in aan kaalin weyn ka qaadanay sanadkan qabsoomida Bandhig Carweedka Shaqada Muqdisho oo ay sanad waliba Hano Academy qabato. SOS ahaan aad bay noo farxad gilinaysaa in aan maantay idinla joogno, waxaana diyaar u nahay in aan ka qayb qaadano shaqa abuurka iyo horumarinta xirfdaha dhallinyarada”
Guddoomiye Kuxigeenka Rugta Ganacsiga Mudane Abdirahman Abdullahi Adam “Galambi” “Inan intaan oo dhallinyara ah oo waxbaratay ku waas oo diyaar u ah inay suuqa shaqada kusoo biiraan aan arko waxay I gilinaysaa in ganacsiyo badan ay abuurmi doonaan. Waxaan kula dardaarmayaa dhallinyaradeenna in ay ganacsiyada yaryar sidii ay u sameysan lahaayeen ku dadaalaan” #MJF2022 #MogadishuJobFair2022
Shirka UNECA ee dalka Itoobiya.
Agaasime ku-xigeenka Rugta Ganacsiga iyo Warshadaha Soomaaliyeed Prof Dr Ciise M Xalane oo ku sugan magaalada Adis Ababa ee dalka Itoobiya, ayaa ka qayb galay shir loogga hadlaayey Siyaasadda Iskaashiga Dawladda iyo Ganacsiyada Gaarka ah oo ay soo qabanqaabisay hay’adda UNECA, shirkaani ayaa socday muddo afar maalin ah.
kulankaani oo muhiimad aad ubalaaran lahay ayaa waxaa loogga hadlay ku biiritaanka Ururka Ganacsiga Aduunka oo ay Soomaaliya ka samaysay horumar aad u ballaaran.
Kulanka inta uu socday waxaa diradda lasaaaray dhammeystirka siyaasadda Wax-wada-lahaanshiyaha Dawladda iyo Ganacsiyada Gaarka ah(PPP) iyo weli ba sidoo kale Istaraatijiyadda Soomaaliya ee Aaga Ganacsiga Xorta ee Qaaradda Afrika(AfCFTA) kaas oo ahmiyad weyn u leh guud ahaan horumarka ganacsiga Soomaaliya.
Dhamaad.
BANDHIGA GANACSIGA SOOMALIYEED SANADKA 3AAD
Bandhiga Ganacsiga Soomaaliyeed Sanadkiisi 3aad ayaa si rasmi ah loo soo gaba gabeeyay magaladda Mogadisho gar ahaan Elite Hotel oo uu kasocday laba maalin, Bandhig Carwedkaani Ganacsi ayaa waxaa wada jir iskaga kaashaday Somali Trade Show iyo Rugta Ganacsiga iyo Warshadaha Soomaaliyeed.
Bandhigaani ayaa waxaa kaso qayb galay Xildhibaano, Wasiiru-dawlaha Wasaaradda Ganacsiga iyo Warshadaha XFS Mudane Abdisalam Sharif Hussein, Guddomiyaha Rugta Ganacsiga Mudane Maxamud Abdi Ali “Gabeyre” Gudomiye ku-xigeeka Rugta Ganacsiga Mudane Abdirahman Abdullhi Adam “Galambi” Gudomiyaha Rugta Ganacsiga Gobolka Banaadir Mudane Ahmed Abdullahi “Shariif Carro” iyo Ganacsatada qaybaheeda kala duwn, oo ay ugu horeeyan Bangiyada, Shirkadaha, iyo Ganasiga yar yar.
Masuuliyinta Bandhiga kaso qayb qashaya ayaa mid mid u dul istaagay dhamaan ganacsiyadii halkas lagu soobandhigay, waxana ay aad u bogaadiyeen kaso qayb galayaasha Bandhiga iyo agabab yada ay shirkaduhu soobandhigeen. Waxana Bandhiga ka hadlay Masuliyiin uu kujiro Xildhibaan Abdirahman Odaway iyo Wasiiru-dawlaha Wasaaradda Ganacsiga Mudane Abdisalam Sharif Hussein iyo masuuliyiinkale oo fara badan, Guddomiyaha Rugta Ganacsiga Mudane “Gabeyre” oo kamid ah masuuliyiintii goobta kadalay ayaa bogaadiyay guud ahaan Ganacsatada kaso qayb gashay gar ahaan qaban qaabiyaasha Bandhiga Ganacsiga Soomaaliyeed Somali Trade Show iyo Rugta Ganacsiga Mudane Gabeyre ayaa yiri “Mudane Wasiira iyo Xildhibaanada waxaan idinka codsaneyanaa in Carwadii Qaranka in howl galiyo anaga diyaar ayaan unahay inaan dhismaheeda dhamestirno, meel fican ayeeyna kutaala oo waliba dhul weyn ah”.
Dhamaad
Xarunta Talo Soo-Jeedinta Soomaaliyeed oo magaaladda mogadisho ku qabatay Barnaamij ay ugu magac dareen “Abaalmarinta Geesiyaasha soomaaliyeed”
Barnaaminjkani oo ahaay midkii ugu horeyay ee nucisa lagu qabto magaalada Mogadisho ayaa waxa agaasimay Xarunta Talo Soo-Jeedinta Soomaaliyeed waxaana lagu abaalmariyay shirkadda isgaarsinta Hormuud Telecom oo gashay kaalinta 1aad waana shirkaddi ugu horeysay ee kuguleysata abaalmarinta nucaan ah.
Xarunta Talo Soo-Jeedinta Soomaaliyeed ayaa sheegtay inay codayn ay sameeyaan boqolkiba 80% dadweynuhu in ay codka siyeen Hormuud, kuna siyeen wax qabadka, garab istaaga bulshada iyo hormarinta ay ku talaab sadeen mudadi ay shirkadu jirtay waxa ayna naqatay shirkadda ugu saamileyda iyo shaqaalaha badan ee gudaha soomaaliya.
Munaasabadda oo aheed mid herkedu uu aad usareyo ayaa waxa kaso qayb galay Guddoomiyaha Aqalka Sare Senator Abdi Hashi Abdullahi, Ku-simaha Ra’iisul wasaaraha ahna wasiirka wasaaradda Caddaaladda iyo arrimaha Dastuurka, Xasan Macallim Maxamuud. Wasiirka Wasaaradda Arimaha Gudaha XFS Ahmed Moalim Fiqi, Wasiirka Wasaaradda Qorsheynta Hon Mohamud Abdirahman Beenebeene, Wasiirka Wasaaradda Dhallinyarada iyo Isboortiga Xildhibaan Maxamed Barre Maxamuud, Masuliyinta Rugta Ganacsiga iyo Warshaddaha Soomaaliyeed, Masuliyiinta sare ee shirkadda Hormuud Telecom, iyo Culuma’udin, Ururka midowga jaamacadaha, iyo midowga dhaqaatirta.
Gaba gabadii munaasabadda ayaa waxa abaalmarino lagudonsiyay shirkadda isgaarsinta Hormuud Telecom waxanaa gudonsiyay Guddoomiyaha Aqalka Sare Senator Abdi Hashi Abdullahi halka uu ugudomay Gudomiyaha shirkadda Hormuud Ahmed Sacuud iyo xubin sare oo katirsan shirkadda.
Dhamaad.
shirkii ugu horreeyay ee guddiga maal-gashiga shisheeye ay yeeshaan mudda 32 sano kadib ah oo manta magaaladda Mogadishu lagu qabtay.
Shirkaani oo ahay mid heerkiisu sareeyo ayaa waxaa shir gudominayay Ku-simaha Ra’iisul wasaaraha ahna wasiirka wasaaradda Caddaaladda iyo arrimaha Dastuurka, Mudane Xasan Macallim Maxamuud.
Guddiga maal-gashiga shisheeye ayaa dhawaan la howl geliyay, halka sharciga maa-gashiga shisheeye dib loo cusboonoysiiyay sanadkii 2015. Shirka guddiga maal-gashiga shisheeye ee maanta qabsoomay ayaa waxaa ka qeyb galay Wasiirka Qorsheynta, Wasiirka Ganacsiga, Wasiirka korontada, Wasiirka shaqaalaha, wasiiru dowlayaasha arrimaha dibadda iyo Agasimaha guud ee xafiska madaxwaynah, xafiiska Ra’iisul Wasaaraha, Guddoomiyaha Bangiga dhexe iyo ku-xigeenkiisa iyo Gudomiyaha Rugta Ganacsiga iyo Warshaddaha Soomaaliyeed.
Mudane Xasan Macallim ayaa munaasabadda ka sheegay in shirka guddiga maal-gashiga shisheeye uu muhiimad gaar ah leeyahay uuna yahay bilaw wanaagsan oo horumar horseedi kara maadaama uu muujiayo in Soomaaliya ay markaan diyaar u tahay inay dunida la yeelato iskaashi ganacsi, asaga oo raaciyay in maalgashaga shisheeye uu u baahanyahay soo jiidasho, shirka maanta qabsoomayna uu soo jiidashadaas qeyb ka yahay.
