XAFLADDA DAAHFURKA SUUQA SAAMIYADA SOOMAALIYEED

Waxaa Manta Magaalada Moqadishu lagu qabtay xaflad lagu daah-furaayay Suuqa Saamiyada Soomaaliyeed, waxaana xafladda kaso qayb galay marti sharaf kala duwan oo ka kala timid gudaha dalka iyo wadamada dariska ah, Xildhibaano, Wasiir ku-xigeenno, Agaasimayaal, Guddoomiyaha Midowga Suuqyada Saamiyada Afrika (ASEA), ahna Maamulaha Suuqa Saamiyada Rwanda 𝐌𝐫. 𝐂𝐞𝐥𝐞𝐬𝐭𝐢𝐧 𝐑𝐰𝐚𝐛𝐮𝐤𝐮𝐦𝐛𝐚, Maamulaha Suuqa Saamiyada Neyroobi Mudane 𝐅𝐫𝐚𝐧𝐤 𝐌𝐰𝐢𝐭𝐢, iyo Ganacsato uu hogaaminayo Guddoomiyaha Rugta Ganacsiga iyo Warshadaha Soomaaliyeed Mudane Maxamuud Cabdi Cali “Gabayre”.

Dhamaan masuuliyiinta goobta ka hadashaya ayaa soodhaweeyay furitaanka Suuqa Saamiyada Soomaaliyeed, waxaana ay carabka kudhufteen muhiimadda uu Soomaaliya iminka u leeyahay. Guddoomiyaha Suuqa Saamiyada Soomaaliyeed “NSES” Mudane Yasin M. Ibar oo xafladda daahfuray ayaa ugu horeynti ka hadlay ujeedada loo as aasay Suuqa Saamiyada Soomaaliyeed iyo faa,idooyinka uu guud ahaan Ganacsiga Soomaaliyeed uu uleeyahay.

Maamulaha Guud ee Shirkadda Hormuud Telecom Mudane Axmed Maxamed Yuusuf “Axmedsacuudi” ayaa soo dhaweeyey daahfurka Suuqa Saamiyada Soomaaliyeed “Suuqa Saamiyada Soomaaliyeed Waxaan rajeeynaaya in uu naqdo waa cusub, oo lagu xisaabtamo mustaqbalka, sifiicane looga faa’ideysan doono, Ganacsi Soomaaliyeed iyo dariskaba calaamad unaqan doono ayaan rajeeynaayaa.”

Ugu dambeyn Guddomiyaha Rugta Ganacsiga iyo Warshadaha Soomaaliyeed Mudane Maxamuud Cabdi Cali “Gabayre” oo kamid ah masuuliyinta goobta ka hadashay ayaa hambalyo iyo soo dhaweeyn kadib waxaa uu yiri “Suuqa Saamiyada Soomaaliya waxa uu dalka kusoo kordhin doonaa maalgashi badan oo kaga imaanaya dibadda, gaar ahaan qurbojoogta iyo maalgashadayaasha.”

DHAMMAAD

Wixii faahfaahin ah, fadlan kala xiriir;

Xafiiska Warfaafinta Rugta Ganacsiga iyo Warshadaha Soomaaliyeed

somalichamberofcommerce@gmail.com,

info@somalichamber.so

https://somalichamber.so/

Facebook:https://www.facebook.com/somalichamberofcommerce/

@somaliacci

https://www.instagram.com/rugtaganacsiga/

https://www.linkedin.com/…/somali-chamber-rugta…/

https://www.youtube.com/watch?v=2QL4CbwsYaI

https://twitter.com/somaliacci