Uncategorized

Hay’adda Aqoonsiga iyo Diiwaangelinta Qaranka (NIRA) ayaa si rasmi ah u daahfurtay saddex nidaam oo saldhig u ah Kaabayaasha Dhijitaalka ah ee Nidaamka Aqoonsiga Qaranka, kuwaas oo kala ah Nidaamka Hubiye ee hubinta aqoonsiga, Nidaamka Shahaado-bixinta (CDS), iyo Nidaamka e-Aqoonsi ee Aqoonsiga Dhijitaalka ah. Munaasabadda oo lagu qabtay magaalada Muqdisho ayaa waxa ka soo qayb-galay masuuliyiin sar-sare oo kasocday Dowladda  uuna hogaaminaayay Ra’iisul Wasaare Ku-xigeenka Labaad ee XF Soomaaliya, Mudane Jibriil Cabdirashiid Xaaji Cabdi, iyo Ganacsato uu Hogaaminaayo Guddomiyaha ku-xigeenka Rugta Ganacsiga iyo Warshadaha Soomaaliyeed Mudane Cabdiraxman Cabdulahi Adam “Galambi”.

Guddomiyaha Rugta Ganacsiga iyo Warshadaha Soomaaliyeed Mudane “Galambi” oo kamid ah masuuliyinta goobta ka hadashay ayaa bogaadiyay hal abuurka, dhalin yarada ee dhanka Teknologiyadda ku dhiirada, waxana uu tilmaamay in loo baahan yahay in laga faideysto energiga dhalinta dalka.

Ra’iisul Wasaare Ku-xigeenka Labaad ee Xukuumadda Federaalka Soomaaliya, Mudane Jibriil Cabdirashiid Xaaji Cabdi, oo munaasabadda soo xiray ayaa xusay: “ 𝗗𝗮𝗮𝗵𝗳𝘂𝗿𝗸𝗮 𝗛𝗨𝗕𝗜𝗬𝗘, 𝗲-𝗔𝗾𝗼𝗼𝗻𝘀𝗶, 𝗶𝘆𝗼 𝗡𝗶𝗱𝗮𝗮𝗺𝗸𝗮 𝗖𝗗𝗦 𝗲𝗲 𝗦𝗵𝗮𝗵𝗮𝗮𝗱𝗼-𝗯𝗶𝘅𝗶𝗻𝘁𝘂 𝗸𝗲𝗹𝗶𝘆𝗮 𝗸𝗮𝗺𝗮 𝘁𝗮𝗿𝗷𝘂𝗺𝗮𝘆𝗮𝗮𝗻 𝗴𝘂𝘂𝗹 𝗳𝗮𝗿𝘀𝗮𝗺𝗼—𝗯𝗮𝗹𝘀𝗲 𝘄𝗮𝘅𝗮𝘆 𝗺𝗮𝗿𝗮𝗴-𝗳𝘂𝗿 𝘂 𝘆𝗶𝗵𝗶𝗶𝗻 𝘀𝗶𝗱𝗮 𝗮𝘆 𝗗𝗼𝘄𝗹𝗮𝗱𝗱𝗮 𝗙𝗲𝗱𝗲𝗿𝗮𝗮𝗹𝗸𝗮 𝗦𝗼𝗼𝗺𝗮𝗮𝗹𝗶𝘆𝗮 𝘂𝗴𝗮 𝗴𝗼’𝗮𝗻 𝘁𝗮𝗵𝗮𝘆 𝗺𝘂𝗱𝗻𝗮𝗮𝗻-𝘀𝗶𝗶𝗻𝘁𝗮 𝗵𝗮𝗹-𝗮𝗯𝘂𝘂𝗿𝗸𝗮 𝘁𝗲𝗸𝗻𝗮𝗹𝗼𝗼𝗷𝗶𝘆𝗮𝗱𝗱𝗮 𝗶𝘆𝗼 𝗹𝗮-𝗷𝗮𝗮𝗻𝗾𝗮𝗮𝗱𝗸𝗮 𝗶𝘀𝗯𝗲𝗱𝗱𝗲𝗹𝗹𝗮𝗱𝗮 𝗰𝗮𝗮𝗹𝗮𝗺𝗸𝗮.”

Rugta Ganacsiga iyo Warshadaha Soomaaliyeed ayaa magaalada Muqdisho ku qabatay aqoon is waydaarsi ku saabsan horumarinta iyo dhammaystirka istraatijiyada Rugta ee 2025-2029.

Aqoon is waydaarsigan ayaa waxaa ka soo qayb galay qaar ka mid ah hay’adaha dawladda, bulshada rayidka, iyo dhammaan rugaha maamul goboleedyada, ayaa lagu lafa guray qaabka ugu habboon ee qorshaha Rugtu ula jaanqaadi karo Qorshaha Isbadalka Qaranka 2025-2029.

Guddoomiye ku Xigeenka Arrimaha Dibedda Rugta Ganacsiga iyo Warshadaha Soomaaliyeed Mudane Cabdirashiid Cali Caynaanshe oo daahfuray shirka ayaa faahfaahiyay muhimadda uu qorshuhu u leeyahay ganacsatada, marka la eego dhanka horumarinta dhaqaalaha dalka, shaqo abuurka iyo la dagaalanka faqriga.

Sidoo kale waxaa madsaha goobjoog ka ahaa Mudane Farid Hegazy oo ah mas’uul ka tirsan hay’adda ILO oo ka hadlay in loo baahan yahay in qorshuhu mudannata siiyo hufnaanta iyo shaqo abuurka dhallinyarada.

Guddomiye ku-xigeenka Rugta Ganacsiga mudane Cabdiraxman Cabdullahi Adam “Galambe” oo kamid ah masuuliyiinta goobta ka hadashay ayaa ugu horeyntii so dhaweyay latashiga Wasaaradda Maaliyaddu, ay la sameyneysay Ganacsatada, maadama ganacsatadu ay yaahiin kuwa ugu badan ee looshaqeeyo ee dalka kajira, ayna tahay in lagala tashado sharciga canshuuraha, asaga oo raaciyay in Wasaaradda Maaliyaddu ay kulamada nuucan ah sii waddo kan ugu horeyana ay Rugta Ganacsigu soo qaban qaabindonto.

Wasiir ku xigeenka Wasaaradda Maaliyadda 𝐗𝐢𝐥𝐝𝐡. 𝐂𝐚𝐛𝐝𝐢𝐪𝐚𝐟𝐚𝐚𝐫 𝐂. 𝐗𝐚𝐚𝐧𝐠𝐞, ayaa ganacsatada ugu baaqay in ay ka qeyb noqdaan hormarinta dalka, iyo bixinta canshuuraha kala duwan si loo hormariyo, guud ahaan awooda dalku uu leeyahay ee ku aadan dhan waliba.

DHAMMAAD

Wixii faahfaahin ah, fadlan kala xiriir;

Xafiiska Warfaafinta Rugta Ganacsiga iyo Warshadaha Soomaaliyeed

Adam Hassan Mohamud

somalichamberofcommerce@gmail.com,

info@somalichamber.so

https://somalichamber.so/

Facebook:https://www.facebook.com/somalichamberofcommerce/

@somaliacci

https://www.instagram.com/rugtaganacsiga/

https://www.linkedin.com/…/somali-chamber-rugta…/

https://www.youtube.com/watch?v=2QL4CbwsYaI

See Translation

Read more

Maamulka Gobalka Banaadir ayaa soo qaban qaabiyay Shirka Soo Bandhigida Horumaka iyo Guulaha Laga  Gaaray Aminiga Caasimadda 2023 iyo sii Joogteyn-Tooda 2024. Munaasanbadaani oo aheed mid her sare loo soo agaasimay laguna marti qaaday qubaro ku xeeldheer Amnig, horayna kaga soo shaqeeyay Aminga Dalka, Xubno kartirsan Labada Aqal ee Barlamaanka, Wasiiro uu hogaaminaayo Ra’iisul Wasaaraha Dalka Mudane Mudane Xamsa Cabdi Barre, Ganacsato, Culuma’udiin iyo Bulshada Rayidka ah.

Dhamaan masuuliyiinta kulanka kaso qayb gashay ayaa tilmaamay in sanadka 2023 wax muuqda laga qabtay Amniga Caasimadda iyo guud ahaan dalka, hadane ay tahay in laga sii xoojiyo halka uu hadda joogo Amniga Caasimadda.

Ra’iisul Wasaaraha oo ka hadlayay shir ayaa tilmaamay in Dowladnimadu aysan horumar sameyn karin haddii aan amniga la xaqiijin, isla markaana uu fure u yahay nolosha oo dhan, isaga oo ugu baaqay ganacsatada iyo bulshada Soomaaliyeed in ay sii xoojiyaan doorkooda hormarinta Amniga Dalka.

Guddoomiyaha Gobalka Banaadir ahna Duqa Magaalada Muqdisho, Mudane Yuusuf Xuseen Jimcaale (Madaale), ayaa si faah-faahsan uga warbixiyey guulaha amni ee ay caasimaddu gaartay, isagoo tilmaamay in amni la’aan aysan jirayn nolol iyo horumar dowladeed, sidaas awgeedna uu gobalka banaadir xoogga saaray sidii amniga caasimada loo xaqiijin lahaa, waxa uuna amaanay doorka laamaha amaanka oo aan la’aantood la gaareen guulaha intaa la’eg oo ay har iyo habeen u soo jeedaan.

Shirkadda Ifi Waste Management kana shaqeysa nadaafadda deeganka, oo ay ganacsato soomaaliyeed leyahiin iyo shirkadda 2mkurumsal oo ay leeyahin ganacasto Turki ah ayaa hashiis koronto lagaga dhalinaayo qashinka magaaladda kala saxiixday, waxaana munaasabad kaso qayb galay Wasiir ku xigeenka Wasaaradda Ganacsiga iyo Warshadaha, Wasiir ku-xigeenka Wasaradda Tamrta iyo Kheyradka Biyaha, Wasiir ku-xigeenka Wasaaradda Deegaanka iyo Isbadalka Cimilada, Guddoomiyaha Gobolka Banaadir Ahna Duqa Magaalada Muqdisho, Ganacato ay Hogaaminayaan Gudoomiyaha Rugta Ganacsiga iyo Warshadaha Soomaaliyeed, iyo Gudoomiyaha Rugta Ganacsiga Gobolka Banaadir, Munaasabadda oo aheed mid heerkeedu sareeyo ayaa lagu qabtay safaaradda Turkiya ee magaalada Muqadishu-Soomaaliya.