Munaasabadda Bandhiga Guuleysta yaasha Soomaaliyed ee Teknoolojiyadda Maaliyadeed ee Soomaaliya, ayaa lagu qabtay Magalada Muqdishu, waxaana kaso qayb galay, Ra’iisul Wasaaraha Xukuumadda JF-Soomaaliya, Mudane Xamsa Cabdi Barre, Xildhibano, Wasiirka Wasaaradda Isgaarsinta iyo Tignoolajiyada, Ganasato ay hogaaminayaan Madaxada Rugta Ganacsiga iyo Warshadaha Soomaaliyeed, iyo bulshada qaybaheeda kala duwan.
Guddoomiyaha Hormuud Telecom Axmed Maxamuud Yuusuf ayaa martida ku soo dhoweeyay Bandhigga Guuleystayaasha Soomaaliyeed Guddoomiyaha ayaa xusay in ujeedka Bandhiggan sannadlaha ah uu yahay in la dhiirrigeliyo, lana abaalmariyo shirkadaha Soomaaliyeed ee u taagan horumarinta Ganacsiyada iyo dhaqaalaha Soomaaliya. Guddoomiyaha Rugta Ganacsiga iyo Warshadaha Soomaaliyeed Mudane Mahamud Abdi Ali “Gabeyre” “Shirkadaha ka shaqeeya horumarinta Teknoolojiyadda Maaliyadeed ee Soomaaliya waxaan ku bogaadinayaa kaalinta ay ka qaateen fududeynta Nolosha bulshadeenna iyo Horumarinta dhaqaalaha dalka.”
Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre ayaa sheegay “Teknoolojiyaddu waxa ay yareysay musuq-maasuqa, sidoo kale waxa ay qeyb wayn ka qaadatay fududaynta bixinta mushaharaadka. Adduunku waxaa uu wareegay adeegsiga Teknolojiyada, sidaa awgeed waxa ka go’an Xukuumadda diyaarinta shuruucdii lagu ilaalin lahaa Ganacsatada Soomaaliyeed ee maalgelinta xooggan galisay horumarinta teknoolojiyadda maaliyadeed ee Soomaaliya.”
DHAMMAAD
Wixii faahfaahin ah, fadlan kala xiriir;
Xafiiska Warfaafinta Rugta Ganacsiga iyo Warshadaha Soomaaliyeed
Adam Hassan Mohamud
somalichamberofcommerce@gmail.com,
info@somalichamber.so
@somaliacci
