News

Rugta Ganacsiga iyo Warshadaha Soomaaliyeed ayaa soo qaban qaabisay madal looga hadlaayay “Fursadaha iyo Caqabadaha Ganasi ee dayn Cafinta iyo ku biirista Suuqa Bariga Afrika” waxaana kaso qayb galay masuuliyiin kasocotay Waaxaha Rugta Ganacsiga, Gudiga Dhaqaalaha Qaranka, iyo bulshada qayba heeda kala duwan.

Masuuliyiinta Gudiga Dhaqaalaha Qaranka ayaa soo bandhigay warbixino ku aadan herarka laga soo maray Dayn Cafinta iyo Ku-biirista Suuqa Bariga Afrika; sidookale waxa ay carabka kudhufteen Fursadaha ku biirista Suuqa Bariga Afrika uu uleeyahay guud ahaan dalka gaar ahaan ganacsatada, waxaana ay sheegeen qaybaha ay tahay in ganacsatada Soomaaliyeed ay xooga saran hormarintooda, si ay uga faa’ideystaan ku biirista Suuqa Bariga Afrika.

Dr kamaludiin oo kamid ah Masuuliyiinta Gudiga Dhaqaalaha Qaranka ayaa sido kale ku xeel dheeraaday ka-hadalka faa’iidoyinka Suuqa Bariga Afrika iyo cab-siyadda ay dadka Soomaaliyeed oo ay kamid yahiin ganacsatada kaqabaan, asaga oo carabka kudhuftay in uu jiro sharci iyo isteebyo ay tahay in lamaro.

Guddomiyaha Rugta Ganacsiga iyo Warshadaha Soomaaliyeed mudane Maxamud Cabdi Cali “Gabeyr” oo kulanka soo xeray ayaa ganacsatada ugu baaqay in ay ayagu marka hore midooban ayna dib u-habeeyn ku sameeyaan ganacsiyadooda, si ay ula jaan qadaan ganacsigayada aan ku-biirnay ee Suuqa Bariga Afrika.

    

Xarunta Dhaxalreeb ayaa soo qaban qaabisay Shirweynaha Dhiirigelinta Maalgashiga Kalluumeysiga, kaasi oo diiradda lagusaarayay sida loo hormarin lahaay wax soo sarka Kalluumeysiga dalka, kulankaani oo socday muddo laba maalin ah, ayaa waxaa si rasmi ah looga dooday sababaha dib udhaca ku keenay maalgashiga kheyraadka badda, Caqabadaha hortaaggan in ganacsatada yaryari helaan maalgelin bangi.

Kulankani ayaa waxaa kaso qayb galay Wasiirka Wasaaradda Qorshaynta, Maalgashiga iyo Horumarinta Dhaqaalaha, H.E Maxamuud Cabdiraxmaan Sh. Faarax ‘Beenabeene’, Wasiirka Wasaaradda Kalluumaysiga iyo Dhaqaalaha Buluugga ah,H.E Axmed Xasan Aadan, Ganacsatadda Kalluumaysiga oo uu hogaaminaayo Guddomiyaha Rugta Ganacsiga Mudane Maxamud Cabdi Cali “Gabeyre” iyo Bahda Wax barashadda Dalka.

Guddoomiyaha Rugta Ganacsiga iyo Warshadaha Soomaaliyeed Mudane “Gabayre” oo kamid ah masuuliyiinta kulanka soo xertay ayaa ugu horeynti soo dhaweyay shirka waxana uu tilmaamay ka Rugta Ganacsi ahaan in kalluumeysiga laga hadlo ay muhiimad weyn uleedahay, lana joogo waqtigi laga fa’iideysan lahaay kallunka iyo dhamaan qayraadka badda kujira.

    

On the 19th Dec. 2023, a meeting between the Somali Chamber (Deputy President Mr Abdirahman Galaanbi, and Deputy Director General Prof Ciise M Xalane), the Ministry of Finance (State Minister and Director General) and a delegation from the World Bank (Dr Floribert Nagaruko Executive Director for a group of 22 African countries) was held at Decale Hotel.

During the meeting, Prof Ciise emphasised that the investment outlook of the SCCI on Somalia and the World Banks’ view as per the World Banks’ Somalia System Country Diagnostic (SCD) document concur and align closely, and so he suggested a second meeting. Prof. XALANE also pointed out the reinvigoration of the Public Private Dialogue and the Public Private Partnership initiatives will lead to an increase in investments.

Furthermore, he shared with the Executive Director the Chambers’ efforts to encourage the establishment of a new class of businesses out of the informal sector of the economy capable of engaging in modern business practises such as the taking and repayment of loans through the training received by entrepreneurs through the EDU programme.

Munaasabad balaaran oo loogu dabaal-dagga guusha cafinta deyntii lagu lahaa Soomaaliya ayaa waxaa lagu qabtay Madaxtoyadda Soomaaliya, waxana kaso qeyb galay masuuliyiin ka tirsan labada gole ee dowladda, xukuumadda, maamulka Gobolka Banaadir, madaxda hey’adaha amniga, Ganacsato ay hogaaminayeen mamulka Rugta Ganacsiga, culima’udiinka iyo qeybaha bulshada. Soomaaliya ayaa laga cafiyey balaayiin dollar oo dayn ah oo ay ku lahaayeen waddamo iyo hay’ado maaliyadeed oo caalamka ah sida lagu shaaciyey munaasabad ka socota magaalada New York oo ay ka qeyb galayaan masuuliyiinta IMF, Bankiga aduunka iyo dowlada Somalia.

Bangiga Adduunka iyo Hay’adda Lacagta Adduunka ee IMF ayaa si wada jir ah goor dhaw ugu dhawaaqay in Soomaliya laga cafiyey daynta, ka dib 11-sano oo ay ku soo jirtay geedi socodka deyn cafinta, taas oo Soomaaliya siinaysa fursad wayn oo ay kula falgasho caalamka. Wasiirka wasaaradda Maaliyadda dowladda FS oo ka qaybgalay madasha go’aan qaadasha ee Soomaaliya looga cafiyey deyn gaaraysa $4.5 bilyan ayaa uga mahadceliyey Bangiga adduunka iyo hay’adda IMF taageerada ay Soomaaliya ku siiyeen inay soo gaarto heerkan.

Guddoomiyaha Rugta Ganacsiga Soomaaliyed oo kamid ah masuuliyiinta goobta ka hadashay ayaa ugu horeyntii u hanbalyey guusha deyn cafinta “ Caawa habeenada kale waa nooga duwan yahay ka ganacsato ahaan, waxaan gaarnay guul waxaana uu dalkeena heli donaa maalgashi.”

Xarunta Tiyaatarka Qaranka ayaa waxaa caawa lagu qabtay munaasabay uu Gobolka Banaadir Soo qaban qaabiyay taasi oo loogu mahad celinaayay Madax-weynaha Dalka Dr Xasan Shekh Maxamuud, laguna soo dhaweynayay ku biirista ay Soomaaliya ku biirtay Bulshadda Bariga Afrika EAC.

Munaasabaddani ayaa waxaa soo qaban-qaabiyay maamulka Gobolka Banaadir, waxana kaso qayb galay xubno ka tirsan Golaha Shacabka, Wasiiro, maamulka Rugta Ganacsiga, iyo Bulshadda qaybaheeda kala duwan. Dhamaan masuuliyiintii goobta kahadashay ayaa soodhaweeyay kana mahad celiyay shaqadda culus ee Madax-weynuhu qabtay, sidookalne aad uso dhaweyay kubiirista Bulshadda Bariga Afrika ee EAC

Guddoomiyaha Rugta Ganacsiga iyo Warshadaha Soomaaliyeed Mudane Mahamud Abdi Ali “Gabeyre” “anaga waxaa ay inootahay maalin gaar ah ganacsatadeena, shaqadda hadda loo diyaar garoobaayo horay ayaan usii qabanay, Ganacsatada Soomaaliyeed waxa ay dagan yahiin kana shaqeystaan waddan intooda badan, balse waxaa inagu soo biirtay in aan heli doono xuriyad, in kabadan 300 oo milyan ayaan la ganacsan doonaa, kuna dhax safri doona, Soomaalidu Ganacsiga aad ayeey ugu indha furan yahiin, sidaas darteed mudane Madax-weyne waxaan ku laanahay anaga dhan waxaad qabatay shaqo aad muhiim uu ah dalka iyo dadka Habalyo ayaana kulaanahay”

Guddiga Golaha Dhaqaalaha Qaranka Soomaaliyeed oo ka duulaya Hormarinta dhaqaalaha dalka ayaa waxa ay soo qaban qabiyeen munaasabad heerkeedu sareeyo loogana hadlaayay Hiigsiga Hormarka dhaqaalaha ee 2060 la rabo in lagaaro.

Munaasabadani oo aheed mid her caalami ayaa waxaa si rasimi ah u dah-furay Madaxweynaha Jamhuuriyadda Federaalka Soomaaliya Mudane Xasan Sheekh Maxamuud, waxaana sido kale ka soo qeyb-galay masuuliyiin ka tirsan goleyaasha dowladda, wakiillada beesha Caalamka iyo Ganacsato ay hor kacayaan masuulinta Rugta Ganacsiga iyo Ururrada bulshada Rayidka ah. Munaasabadda ayaa waxaa lagu soo bandhigay qorsheyaasha muddaysan ee horyaalla shacabka iyo dowladda Soomaaliyeed, ee larabo in wadajir loo hiigsado.

Madaxweyne Xasan Sheekh ayaa khudbad uu ka jeediyey munaasabadda waxa uu sharraxay caqabadaha soo laalaabtay ee dib dhigay nolasha dadka Soomaaliyeed oo ay ugu horreyaan colaadaha, amni darrada, abaaraha iyo fatahaadaha isdaba jooga, waxa uuna sheegay in uu muhiim yahay hiigsigan oo isku xiraya jiilasha maanta iyo kuwa mustaqbalka. “Maanta, waxaan bilaabaynaa safar cusub, safar u horseedaya dalkeenna barwaaqo iyo horumar. Hiigsiga Qarn ee 2060-ka waxa uu muujinayaa sida ay nooga go’an tahay in aan ka gudubno caqabadaha hadda jira, annagoo aasaas adag u abuurayna jiilasha soo socda”.

Guddoomiyaha Rugta Ganacsiga iyo Warshadaha Soomaaliyeed Mudane Mahamud Abdi Ali “Gabeyre” oo kamid ah masuuliyiinta goobta ka hadashay ayaa soo dhaweyay qorshaha hiigsiga Qaranka ee 2060ka, waxana uu tilmaahay in uu muhiim uyahay hormarinta dhaqaalaha wax soo saarka dalka iyo ganacisga.