Somali Chamber of Commerce and Industry

  • 2521850320
  • info@somalichamber.so
Facebook Twitter Youtube
Menu

News

KULAN LOOGA ARIN SANAAYAY CANSHUUR KORDHINTA LAGU SOO KORDHIYAY DAKADDA MOGADISHU.

by

Waxaa goordhaw xarunta dhaxe ee Rugta Ganacsiga iyo Warshadaha Soomaaliyeed lagu soo gaba gaba gabeeyay kulan balaaran oo ay iskugu yimaadeen qaybaha kala duwan ee Ganacsiga dalka. Kulankaani ayaa salka ku hayay canshuur kordhin lagu sameeyay qaar kamid ah alaabaha laga soo dajiyo dakadda magaaladda Mogadishu,

Rugta Ganacsiga iyo Gudi ka kooban waxaha kala duwan ee ganacsiga dalka oo loo xilsaaray xalinta arimaha canshuuraha ayaa waxa laga dhageeystay warbixino iyo ga’aankii ay kaso qadeen maxada sare oo uu ugu horeeyo Madax weyne Dr Xasan Sheikh Maxamuud, Wasiirka Wasaaradda Maaliyadda, Wasiirka Wasaaradda Ganacsiga iyo Warshadaha – Soomaaliya. Dhamaan ganacsatadii kulanka kaso qayb gashay ayaa muujiyay in ay ku qanacsan yahiin go’aanka Rugta Ganacsiga iyo Gudigu u soo qadeen ganacsatada.

Ugu danbeyntii maamulka sare ee Rugta Ganacsiga iyo Warshadaha Soomaaliyeed oo u hogaaminaayo Guddoomiyaha Rugta Ganacsiga Mudane Maxamud Cabdikariin “Gabeyre” iyo qaar kamid ah Ganacsatadii kulanka ku sugneed ayaa go aan ku gaaray fulinta go’aanadii gudigu ay isla soo gaareen madaxda qaranka.

 

By Adam Hassan Mohamud.

 

 

 

XARIG JARKA FARACA 3-AAD EE SUUQA XAYAAT MALL

by

Munaasabad xariga looga jaraayay Suuqa Xayaat Mall faraca 3-aad oo laga hergeliyay Isgoyska Jubba qeybta dhacda Degmada Boondheere ee Magaalada Muqdisho, ayaa waxaa wada jir ugu soo qayb galay Ra’iisul Wasaare Kuxigeenka XFS Mudane Saalax Axmed Jaamac, Wasiirka Arrimaha Gudaha, Federaalka iyo Dib u heshiisiinta mudane Ahmed Moallim Fiqi, Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale), iyo Ganasato ay hogaaminayaan Gudoomiye ku xigeenka Rugta Ganacsiga Mudane Cabdiraxman Cabdullahi Adam “Galambe” Guddomiyaha Rugta Ganacsiga Gobolka Banaadir Mudane Axmed Cabdulahi “Shariif caro”, Guddomiyaha Suuq Bacaad, Culuma’udiin, Siyaasiyiin, Haweenka iyo Qeybaha kala gedisan ee Bulshada iyo marti sharaf kale.

Ra’iisul Wasaare Kuxigeenka ayaa ku ammaanay ganacsatada hirgelisay suuqan kaalinta muhiimka ah ee ay ka qaadanayaan horumarka iyo dib-u-dhiska dalka, maadama Xayaat Mall faraceedi 3-aad kaher galiyen magaalada Mogadishu, waxaana uu ugu baaqay ganacsatada in ay wax soosarka dalka dhiri galiyaan.

Gudoomiye ku xigeenka Rugta Ganacsiga iyo Warshadaha Soomaaliyeed Mudane Cabdiraxman Cabdullahi Adam “Galambe” oo kamid ah masuuliynta goobta kahadashay ayaa bogaadiyay hormarka ganacsatada dalku ay marba marka kadanbeyso ku talab-sanaayaan, asaga oo kula dar daarmay in ay ganacsatadu gacmaha isqabsadaan si ay ula jaan qadan hormarka caalamka.Waxaana uu sii raaciyay in ay horumar weyn utahay umadda soomaaliyeed gaar ahaan shacabka kudhaqan Dagmoyinka Bondhere, Shibis, iyo Dagmada Cabdicasis oo daris uu layahay Suuqa Xayaat Mall faraca 3-aad, madaama marki hore uu aad kaga fogaay.

 

===Dhamaad===

 

 

   

afur sanadeedkii 2aad ee ururka Bangiyada Soomaaliyeed, oo lagu qabtay Magaalada Muqdisho Hotel Jaziira.

by

Guddoomiyaha Rugta Ganacsiga iyo Warshadaha Soomaaliyeed mudane Mxamuud Cabdikariin “Gabeyre”, Gudoomiye Ku-xigeenka mudane Cabdiraxmaan Cabdullaahi Aadam “Galambe” iyo qaar kamid ah qeybaha kala duwan ee ganacsatada ayaa ka qayb galay afur sanadeedkii 2aad ee ururka Bangiyada Soomaaliyeed, oo lagu qabtay Magaalada Muqdisho Hotel Jaziira.

Kulankani oo ahaa mid heer sare looso agaasimay ayaa waxaa sidookale kasoo qayb galay xubno sar-sare oo katirsan barlamaanka iyo golaha wasiiradda: qorsheynta, maaliyadda, gancsiga iyo isgaarsiinta oo uu hogaaminayo Ra’iisul Wasaare ku-xigeenka ee XFS mudane Saalax Axmed Jamaac, Gudoomiyaha Banggiga dhaxe.

Dhamaan masuuliyinta ayaa bogaadiyay adeegyada maaliyadeed ee ay banggiyaddu dalka gaarsiyeen iyo midowga ay sameeyeenba. Dhanka kale Guddoomiyaha Rugta Ganacsiga Mudane “Gabeyre” ayaa guud ahaan ganacsatadda ugu baaqay in ay midowbaan sida bangiyadda oo kale. Waxaa uuna bogaadiyay agaasimaha cusub ee shirkadda Dahabshiil Bank oo sameysay kulanka afurka ah.

 

 

@Kunciil Hassan Mohamud

 

SCCI Has Participated in the 2nd IGAD Labor Ministerial Meeting

by

Somali Chamber of Commerce has participated in the 2nd IGAD Ministerial Meeting on Labor, Employment and Labor Migration that took place in Addis Ababa 27th February – 2nd March 2023. The meeting has been concluded with the release of communique agreed upon unanimously.

Singed-Version-of-the-2nd-Ministerial-Conference-Communique-Mar-02-2023

 

W/Q Adam Hassan Mohamud Agasimaha Waxda Warbahinta Rugta Ganacsiga.

MUNAASABADA WAREEJINTA TAAKULADA SOOMAALIYA EE TURKIGA

by

Qaar kamid ah gudonka sare ee Rugta Ganacsiga iyo Warshadaha Soomaaliyeed oo uu hogaaminaayo Gudoomiyaha Rugta Ganacsiga Mudane Maxamuud Cabdi Cali”Gabeyre” ayaa ka qayb galay munaasabada Wareejinta taakulada Soomaaliya ee Turkiga.

Munaasabaddaani oo aheed mid heer qaran ah, taakulo iyo garab istaagne loogu mujinayay walalaha dalka Turkiga oo dhamaan uu ka dhacay dhulgariir aad u xoogan ayna naf iyo hantiba kuwaayeen dada aad ufarabadan, ayaa waxaa kaso qayb galay Guddomiyaha Barlamaanka dalka ahna kusimaha Madaxweynaha mudane Sh Aadan Madoobe, Ra’isul wasaare Xamze Cabdi Barre, Wasiirka Wasaaradda Arrimaha Gudaha, Federaalka & Dib u heshiisiinta ahna Gudoomiyaha gudiga, Wasiirka Wasaaradda Ganacsiga iyo Warshadaha, Safiirka Turkiga, Gudoomiyaha Gobolka Banaadir ahna Duqa magaaladda Mogadishu mudane Yusuf Madaale, Ganacsatada qaybaheeda kala duwan oo ay hogaminayan mamulka Rugta Ganacsiga, Gudoomiyaha Bulshadda Rayiidka Mudane Shatax, Culuma,udiin uu hogaminaayo shekh Bashir Axmed Salad, iyo Ururadda Haweenka.

Munaasabadda ayaa waxaa safiirka Turkiga lagu gudon siiyay calag gaareysa $5,000,000 (Shan Malyan oo dollar) oo u dhiganta 94,100,000TL taasi oo lagu garab istaagayo dadkii dhulgariirku dhibaateyay. Gudoomiyaha Rugta Ganacsiga Mudane “Gabeyre” oo kamida masuuliyinta goobta kahadashay ayaa yiri “Maanta waxaan si hordhac ah u wareejinaynaa taakulo aan uga qeyb qaadaneyno gurmadka walaalaheen reer Turki, waana sii wadi doonaa, dalkeenana waa na sugayaa dalalka dibaddana inaan la tillaabo qaadno waa muhiim”

W/Q Adam Hassan Mohamud Agasimaha Waxda Warbahinta Rugta Ganacsiga.

BANDHIGA SUUQ WEYNAHA MOQADISHU SANADKIISI 4AAD

by

Guddomiyaha Rugta Ganacsiga iyo Warshadaha Soomaaliyeed Mudane Maxamuud Cabdi Cali “Gabeyre” oo ay wehliyaan Guddomiyaha Rugta Ganacsiga Gobolka Banaadir iyo Gudoomiyaasha Suuqyada Bakaaraha iyo suuq Bacaad ayaa ka qayb galay Bandhiga Suuq Weynaha Muqdisho oo sanadkii 4-aad maanta ka furmay Magaalada Muqdisho.

Furitaanka Bandhigaan ayaa waxaa goobjoog ka ahaa Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale), Wasiir Kuxigeenka Wasaarada Ganacsiga iyo Warshadaha, Wasiir Kuxigeenka Shaqada iyo Shaqaalaha, Mamulka Rugta Ganacsiga iyo Marti sharaf kale.

 

Guddomiyaha Rugta Ganacsiga mudane “Gabeyre” oo kamid ah masuuliyiinti goobta ka hadlay ayaa ugu horeyntii bogaadiyay Bandhiga Suuq Weynaha Muqdisho oo sanadkii 4-aad qabsamay asaga oo ugu baaqay in ay siiwadaan howsha ay bulshadda uhaayaan Masuuliyinta Suuq Weynaha Muqdisho, ka Rugta Ganacsiga ahaane in ay garab taagan yahiin horayne ay garabtagnaayeen. Dhanka kale Guddomiyaha ayaa masuuliyiinta Gobolka Banaadir iyo Wasaaradda Ganacsiga ka codsaday in lahelo carwadii qaranka soomaaliyeed taasi oo ah goob logu tala galay Bandhig carwedyada.

 

Dhamaad.

 

 

  

Maamulka sare ee Rugta Ganacsiga iyo Warshadaha Soomaaliyeed ayaa u hambalyeey iyo bogaadin udiray guddonka cusub ee Rugta Ganacsiga Dawlad Gobaleedka GALMUDUG

by

Maamulka sare ee Rugta Ganacsiga iyo Warshadaha Soomaaliyeed ayaa u hambalyeey iyo bogaadin udiray guddonka cusub ee Rugta Ganacsiga Dawlad Gobaleedka GALMUDUG oo 22 bisha lagu doortay guddomiye Dr Nuur Cali Xasan iyo xubnaha guddonka.

 

Xarunta dhaxe ee Rugta Ganacsiga Dowlad Gobaleedka GALMUDUG ayaa manta lagu qabtay doorashadda guddomiyaha iyo tan xubnaha sare, taasi oo ay ka qayb galeen ergo ka socotay ganacsatada qaybaheeda kala duwan ee ka jira Galmudug oo tirada ay gareyso 34 xubnood, waxaa xilkaas isusoo taagay laba musharax oo kal ah:

1-Mustaf Cali Guutaale iyo 2-Nuur Cali Xasan.

 

Doorashada oo u dhaceysay qaab Gacantaag ah ayaa waxaa wareeggii koobaadba ay kala heleen 1- Musaf Cali Guutaale  ayaa helay codad gaarayaa 4,  halka Nuur Cali Xasan oo Helay 30 cod. Sidaa darteed waxaa xilka gudoomiyenimo ee Afarta sano ee Soosocota ku guuleystay Mudane Nuur Cali Xasan.

 

Gudoomiye Nuur Cali Xasan ayaa isla Goobta kaga dhawaaqay shan xubnood oo kamid noqon doona hoggaanka Sare ee Rugta Ganacsiga Dowlad gobaleedka Galmudug, waxaa uu waydiistay ergada in qaab gacantaaga ay ugu coderyaan iyadoo Ergadu qaab gacan taag ah cod aqlabiyad ah ku ansixiyeen Shan xubnood oo kala ah

 

1-Mohamed Abdi mohamed

2-Abdirahman Omar Siyad

3- Mustaf Ali Gutale

4- Abdigargaar Ahmed Hashi

5-Alisicid Mohiyadin Sheikh Ali

 

 

 

Munaasabad xariga looga jarayay dhismaha cusub ee GRAND oo Premier Bank uu ka hergaliyay Magaaladda Mogadishu

by
Guddomiyaha Rugta Ganacsiga iyo Warshadaha Soomaaliyeed Mudane Mahamud Abdi Ali “Gabeire” oo ay wehliyaan Gudomiyaha Rugta Ganacsiga Gobolka Banaadir Mudane Ahmed Abdullahi “Shariif Carro” iyo qaar kamid ah Ganacsatada qaybaheeda dalka ayaa ka qayb galay munaasabad xariga looga jarayay dhismaha cusub ee GRAND oo Premier Bank uu ka hergaliyay Magaaladda Mogadishu, gar ahaan xafadda Hodan.
Munaasabaddani oo aheed mid heer sare looso agaasimay ayaa waxa kaso qayb galay Guddoomiyaha Gobolka Banaadir Ahna Duqa Magaalada Muqdisho Yuusuf Xuseen Jimcaale (Madaal), Wasiir ku xigeenka Wasaaradda Ganacsiga iyo Warshadaha – Soomaaliya Hon Osman Mohamed Abdi, Xildhibaano uu kamid yahay Xil Abdiraham Odaway, Xil Abdirahman Abdishakur iyo Ganacsato ay Rugta Ganacsiga hogaamineyso.
Guddomiyaha Rugta Ganacsiga Mudane “Gabeire” Ayaa umahad celiyay shirkaddaha iskashaday oo ay ugu horeyso future properties, Istanbul Mogadishu Constriction, Sunrise Apartment iyo shirkadaha fulisay adeega ee Premier Bank, “marka uu gurigu istaago waxa uu naqan doona mid wax soosaara naftirkiisa in lakala gadto oo kaliya maahin meesha shaqa abuurku ka bilaban doona waa halkaas, hadeynaqato Nadaafad, Hadeynaqato waardiyo, iyo Dukaamo, waxaas oo dhan waxa ay keenayaan shaqo abuur 80 guri waayay marka ay ugu yartahay waxa ku Nolan doono 500 oo qof, marka halkaas shaqo abuur badan ayaa halkas kabilaaban doonto. Ganacsatadda Soomaaliyeed waxa ay hadda udiyaar garobeysa Warshadeynti dalka meesha shaqo abuurka saxda ahi uu ka imaan donana waa halkaas”
Dhamaad.

MADAXWEYNE XASAN SHEEKH OO BILLAD QARAN GUDDOONSIIYAY DHIGGIISA DALKA DJABUUTI.

by
Madaxweyne Hassan Sheikh Mohamud ayaa kulan casho sharaf ah usameeyay madaxweynaha dalka DJabuuti, waxana kaso qayb galay madax kala duwan oo iskugu jira her qaran iyo heer dowlad gobaleed, iyo ganacsato uu hogaaminaayo Guddomiyaha Rugta Ganacsiga iyo Warshadaha Soomaaliyeed Mudane Mahamud Abdi Ali “Gabeire”
Guddomiye “Gabeyre” oo ku hadlaayey magaca ganacsatada Soomaaliyeed ayaa aad ugu mahadceliyey madaxweyne Ismail Omar Gele iyo dhamaan shacabka reer DJabuuti sida wacan oo hagar la aanta ah ay u soo dhaweeyeen Ganacsatada soomaaliyeed iyo waliba in halkaas ay ku leeyahiin xaruumo ganacsi oo aad u waaweyne iyo uruur ay ku mideesan yahiin ganacsatada Somali Business Investment Council (SBIC) oo guddomiye ka yahay Sh Ahmed Nor Ali Jimale iyo ku xigeenadisa Abdirashid Haybe Dubad iyo Mohamed Warsame Jamac, halkaasi oo ay ganacsatadu ku dareemaan in dalkooda labaad ay joogaan
Sidoo kale guddomiyaha ayaa u hambalyeey xildhibaan Sadak Cumar iyo Marwadiisa Heybado Ismail Cumar Gelle reerka cusub ay dhiseyn kuna tilmaamay in uu yahay buundadii ay iskaga gudbi lahaayeen labada dal.
Dhamaad.

SHIR WEYNAHA HAWEENKA GANACSATADA SOOMAALIYEED.

by

Gudoomiyaha Rugta Ganacsiga iyo Warshadaha Soomaaliyeed Mudane Maxamud Cabdi Cali (Gabeyre) oo ay wehliyaan qaarkamid ah Ganacsatadda dalka ayaa ka qayb galay Shir Weynaha Haweenka Ganacsatada Soomaaliyeed, oo ay soo qaban qabiyeen SOMALI WOMAN IN BUSINESS. SWIB FORUM. Kulankaani oo ahaay mid heer sare looso agaasimay ayaa waxaa ka qayb galay xubno kasocday xildhibaanadda labada aqal, Wasiirka Wasaaradda Maaliyadda Dr Cilmi Maxamed Nuur, Haween kala duwan, Ganacsato iyo maamulka Rugta Ganacsiga iyo Warshadaha Soomaaliyeed.

 

Wasiirka Maaliyadda Jamhuuriyadda Federaal Soomaaliya, Dr. Cilmi Maxamed Nuur oo kasoo qeyb galay Shir Weynahah Haweenka Ganacsatada Soomaaliyeed ayaa yiri, “Waa ii farxad inaa kasoo qayb galo Shir weynahan. Haweenka Soomaalida waxaa loo aqoonsan yahay inay yihiin dadka ugu adkeysiga badan, waxayna laf dhabar u ahaayeen jiritaanka dhaqankeena, waxayna muujiyeen sida ay u ilaaliyeen bulshadeena iyo qoysaskeenna. Waxaana ku bogaadinayaa habaleheen in ay kordhiyan barashada xirfadaha gacanta.”

 

Gudoomiyaha Rugta Ganacsiga Mudane (Gabeyre) ayaa xusay sida haweenka ay uga wanagsan yihiin ragga marka loo eego horumarinta dhaqaalaha, isla markaana ay mansabyo sare ka hayaan ganacsiga dalka “Rugta Ganacsiga waxay si dhow ula shaqaynaysaa hay’adda UNIDA si kor loogu qaado tayada haweenka ganacsiga kujira, Rugta Ganacsiga mar waliba waxa ay diyaar u ahay in ay haweenka Soomaaliyeed ka taageero ganacsigooda dhinac walba oo nolosha ah.”

DHAMAAD.