Hay’adda Maaraynta Musiibooyinka Qaranka Soomaaliyeed oo uu hogaaminayo Guddoomiyaha Hay’adda, Mudane Maxamuud Macalin ayaa kulan la qaatay Ganacsato ay hogaaminayaan Mamulka sare ee Rugta Ganacsiga iyo Warshadaha Soomaaliyeed, kulanka ayaa waxaa diiradda lagu saaray ka hortaga musiibooyinka dhicikara sanadkaan, taasi oo ku timid daraasad lagu odorosay.
Events
BANDHIGA SUUQ WEYNAHA MUQDISHO.
Guddomiyaha Rugta Ganacsiga iyo Warshadaha Soomaaliyeed Mudane Maxamuud Cabdi Cali “Gabeyre” oo ay wehliyaan Guddoomiye ku-xigeenka Rugta Ganacsiga Mudane Cabdiraxman Cabdullahi Adam “Galambi” iyo Xoghayaha Guud ee Rugta Ganacsiga, ahna Gudoomiyaha Rugta Ganacsiga iyo Warshadaha Jubaland Mudane Xuseen Raabi Kaahin, ayaa ka qayb galay Bandhiga Suuq Weynaha Muqdisho oo sanadkii 5-aad maanta ka furmay Magaalada Muqdisho.
MADASHA AQOON ISWEYDAARSIGA WACYIGELINTA IYO FAHAMKA HESHIISKA AFCFTA IYO HIRGELINTA XOG-KEYDIYAHA GANACSIGA SOOMAALIYA
Wasaaradda Ganacsiga iyo Warshadaha – Soomaaliya ayaa soo qaban qaabisay Madasha aqoon isweydaarsiga wacyigelinta iyo fahamka heshiiska AFCFTA iyo hirgelinta xog-keydiyaha ganacsiga Soomaaliya, waxaana kaso qayb galay masuuliyiin kala duwan oo ka kala tirsan Barlamaanka, xukuumadda, iyo Ganacsato ay hogaaminayaan masuuliyiinta Rugta Ganacsiga iyo Warshadaha Soomaaliyeed, iyo Bulshada Rayidka.
MUNAASABADDA DAAHFURKA DAYACTIRKA DIYAARADAHA EE GAROONKA AADAN-CADDE.
Shirkadda Erosom ayaa manta loo daah-furay goob loogu tala galay in lagu dayactiro diyaaradaha “Maintenance repair overhaul MRO” munaasabadda daah-furka oo aheed mid heerkedu sareyo, ayaa waxaa kaso qayb galay masuliyiin kala duwan oo ay ugu horeeyaan xubno katirsan Barlamaanka labadiisa aqal, Wasiirada Wasaaradda Gadiidka iyo Duulista Hawada Soomaaliyeed, Wasiir ku-xigeenka Wasaaradda Ganacsiga iyo Warshaddaha Soomaaliyeed, Ganacsato ay hogaaminayaan mamulka Rugta Ganacsiga iyo Warshadaha Soomaaliyeed. Iyo culuma’udiin.
Shirkadda Erosom ayaa ah shirkadii ugu horeysay ee qaada jaha ka gadisan midkii lagu yaqaanay gancsatada dalka, dhanqanka Ganacsiga Soomaaliya iyo tarikhdiisa intaba, waxaana laxoojiyay in fikirka nucaan ah uu yahay midka keenaya hormarka Ganacsiga Soomaalida, ayna kabi-karana dhaqalaha dalka. Yagleelidda shirkadaani ayaa waxaa iska kaashaday ganacsato Soomaaliyeed.
Dhamaan masuuliyiintii kulanka kaso qayb gashay ayaa bogaadiyay adeega ay soo kordhisay shirkada Erosom. Ugu danbeyntii Wasiirada Wasaaradda Gadiidka iyo Duulista Hawada Soomaaliyeed oo kulanka soo xertay ayaa ganacsatada ugu baqdayin in ay malgashadaan dhanka duulista hawada, halkaasi oo ay kajiraan fursado ganacsi oo farabadan.
DHAMMAAD
Wixii faahfaahin ah, fadlan kala xiriir;
Xafiiska Warfaafinta Rugta Ganacsiga iyo Warshadaha Soomaaliyeed
Adam Hassan Mohamud
somalichamberofcommerce@gmail.com,
info@somalichamber.so
@somaliacci
MAALINTA CAALAMIGA EE FURDOOYINKA CAALAMKA ”INTERNATIONAL CUSTOMS DAY”
Xaflad loogu dabaal degaayay Maalinta Furdooyinka Caalamga oo ku beegan 26-January-2024, ayaa waxaa dekedda Magaaladda Muqdishu ku qabtay, furdooyinka Soomaaliya. Munaasabadaani oo aheed mid heer sare loo soo agaasimay ayaa waxaa kaso qayb galay Wasiirka Wasaaradda Maaliyadda XFS 𝐗𝐢𝐥𝐝𝐡. 𝐁𝐢𝐢𝐱𝐢 𝐈𝐦𝐚𝐚𝐧 𝐂𝐢𝐠𝐞, Wasiir ku xigeenka Wasaaradda 𝐗𝐢𝐥𝐝𝐡. 𝐂𝐚𝐛𝐝𝐢𝐪𝐚𝐟𝐚𝐚𝐫 𝐂. 𝐗𝐚𝐚𝐧𝐠𝐞, Agaasimaha guud ee Wasaaradda Mudane Saleiman Sh. Cumar, Agaasimaha guud ee Dakhliga Faysal M. Xaashi, Agaasimaha furdooyinka, Guddoomiye ku-xigeenka maamulka iyo maaliyadda Gobolka Banaadir Mudane Ciise Guur, Guddoomiye Ku Xigeenka Bankiga Dhexe Mudane Dr. Ali Yaasiin, Maareeyaha Dekedda Xamar Mudane Axmed Washington, Madaxa Howlaha Guud ee Al Beyrak Mudane Jockan, iyo Ganacsato uu hogaaminaayo Gudoomiyaha Rugta Ganacsiga iyo Warshadaha Soomaaliyeed Mudane Maxamud Cabdi Cali “Gabeyre”
Gaba-gabadii xafladda ayaa waxa shahaadooyin la guddon siiyay Rugta Ganacsiga, qar kamida ganacsatada soodajinta, Bangiga Dhaxe iyo xubno ka tirsan howl wadeenada furdooyinka Soomaaliya. Dhamaan masuuliyiintii kaso qayb gashay xafladda ayaa u hanbalyeeyay furdooyinka Soomaaliya iyo Furdooyinka Caalamka, waxaana ay kula dar-daarmeen in howlaha ay bulshada u haayaan ay kordhiyaan, ayna fududeeyaan adeeg yada Ganacsiga dalka.
DHAMMAAD
Wixii faahfaahin ah, fadlan kala xiriir;
Xafiiska Warfaafinta Rugta Ganacsiga iyo Warshadaha Soomaaliyeed
Adam Hassan Mohamud
somalichamberofcommerce@gmail.com,
info@somalichamber.so
@somaliacci
Somali Magazine ayaa ku dhawaaqday shaqsiyaadka ugu saameenta badan Soomalida 2023
Liiska Shaqsiyaadka ugu sameynta badnaay sanadkii 2023 ayaa waxaa ka mid ah Ganacsato sameyn weyn ku dhax leh bulshada Soomaaliyeed, oo uu kamid-yahay Guddoomiyaha Rugta Ganacsiga mudane Maxamud Cabdi Cali “Gabeyre” waxaa uu sanadkaasi ku howlanaay horumarinta xiriirka ganasatada, horumarinta wax soosarka dalka, iyo isku xirka xiriirka Ganacsiga gudaha iyo dibadda, waxaana uu wax weeyn ka qabtay sanadkii 2023. Sido kale waxaa kamida liiska 100 qof ee ugu sameynta badneed, Guddoomiyaha shirkadda Hormuud Telecom, mudane Axmed Maxamuud Yuusuf, “Axmed-sacuudi”oo guula waweyn ay shirkadiisu ka soo hooysay caalamka. Iyo ganacsato kale kuwaasi oo horumar lataaban karo ka gaaray dhanka Ganacsiga, ayaa ka mid-naqaday liiska 100 qof ee ugu sameynta badan 2023.
DHAMMAAD
Wixii faahfaahin ah, fadlan kala xiriir;
Xafiiska Warfaafinta Rugta Ganacsiga iyo Warshadaha Soomaaliyeed
Adam Hassan Mohamud
somalichamberofcommerce@gmail.com,
info@somalichamber.so
@somaliacci
Guddiga Gaadiidleyda Soomaaliyeed ayaa lakulmay Gudoomiyaha Rugta Ganacsiga iyo Warshadaha Soomaaliyeed.
Guddiga Gaadiidleyda Soomaaliyeed ayaa lakulmay Gudoomiyaha Rugta Ganacsiga iyo Warshadaha Soomaaliyeed Mudane Maxamud Cabdi Cali “Gabeyre” oo uu wehliyo Gudoomiyaha Rugta Ganacsiga Gobolka Banaadir Mudane Axmed Cabdullahi Xasan “Shariif”
Masuuliyiinta Rugta Ganacsiga ayaa ugu horeyntii waxaa ay warbixin ku aadan dhibaatada fatahaaduhu ay ka geysteen wadada isku xerta Afgoye iyo Wanla-Weyn ka dhageysteen Guddiga Gaadiidleyda Soomaaliyeed.
Wadada isku xerta Afgoye iyo Wanla-Weyn ayaa waxaa saameyn ku yeeshay fatahaado, taasi oo qayba kamid ah uu soo gaaray bur-bur xoogan, Guddiga Gaadiidleyda ayaa sheegay muhiimada ay wadadaasi u leedahay isku socodka gaadiidka iyo Ganacsiga, u kala goosha Gobolka Banaadir iyo gobolada konfureed.
Masuuliyiinta Rugta Ganacsiga ayaa uxil-saaray gudi ka kooban maamulka gaadidleyda Soomaaliyeed iyo ganacsto kasoo tala bixisa baaxadda bur-burka wadada, iyo shirkaddii loo xilsaari lahaa dhismaha wadadaasi. Waxaana iska kaashan doonaan gudiga gaadiidleyda, Ganacsato muxsiniin ah iyo hay’adda mareynta musiibooyinka qaranka.
DHAMMAAD
Wixii faahfaahin ah, fadlan kala xiriir;
Xafiiska Warfaafinta Rugta Ganacsiga iyo Warshadaha Soomaaliyeed
Adam Hassan Mohamud
somalichamberofcommerce@gmail.com,
info@somalichamber.so
@somaliacci
WAAXAHA RUGTA GANACSIGA OO KULAN LAQAATAY XUBIN KA TIRSAN AQALKA WAKIILLADA GOBOLKA MINNESOTA EE DALKA MAREYKANKA.
Qayba kamid ah waaxaha Rugta Ganacsiga iyo Warshadaha Soomaaliyeed oo uu hogaaminayo Guddoomiyaha Rugta Ganacsiga Mudane Maxamuud Cabdi Cali “Gabayre” ayaa la kulmay Xildhibaanad Hodan Xasan oo ka tirsan Aqalka Wakiillada Gobolka Minnesota ee dalka Mareykanka oo ay wehlineysay Xildhibaanad Cayni oo kamid ah Barlamaanka Soomaalliya.
Waxaana kulanka soo qaban qaabsay marwo Amiina Deble oo ah xubinta katirsan Rugta Ganacsiga una qaabilsan arimaha Mareykanka, waxaana diiradda lagu saray hormarinta Ganacsiga is dhaxgalka labada dal, iskashiga, maalgashiga, sara uqaadida dhoofka, iyo soo dajinta. Sodoo kale Guddoomiyaha Rugta Ganacsiga Mudane “Gabayre” ayaa kawar bixiyay fursadaha maalgashiga ee kajira dalka.
Gaba-gabadii waxaa kulanka soo xertay Xildhibaanad Hodan Xasan ayada oo tilmaantay hormarka Ganacsiga Soomaaliyeed in uu yahay mid kubaahay dunida hadana ay kala shaqeyn doonto isku xerka Rugta Ganacsiga iyo Warshadaha Soomaaliyeed iyo Ganacsatada Minnesota ee dalka Mareykanka.
DHAMMAAD
Wixii faahfaahin ah, fadlan kala xiriir;
Xafiiska Warfaafinta Rugta Ganacsiga iyo Warshadaha Soomaaliyeed
Adam Hassan Mohamud
somalichamberofcommerce@gmail.com,
info@somalichamber.so
@somaliacci
BANDHIGGA GANACSIGA SOOMAALIYEED SANADKIISA 4AAD EE SOMALIA TRADE SHOW
Somalia Trade Show ayaa sanadkii 4aad waxaa ay qabatay Bandhiga Ganacsiga, waxaana kaso qayb galay Wasiirka wasaaradda dhallinyarada iyo cayaaraha Xildhibaan Maxamed Barre Maxamuud, Wasiiru dowlaha Wasaaradda Arrimaha Gudaha, Federaalka iyo Dib u heshiisiinta mudane Sadad Caliyow, Guddoomiye ku-xigeenka Maamulka iyo maaliyda Gobalka Banaadir Mudane Ciise Guure, Guddoomiyaha Rugta Ganacsiga iyo Warshadaha Soomaaliyeed Mudane Maxamuud Cabdi Cali “Gabayre” iyo Ganacsatada qaybaheeda kala duwan.
Dhamaan masuuliyiinta kaso qayb gashay ayaa soo dhaweeyay Bandhiga, waxaa ayna amaan iyo bogaadin udireen madaxda Somalia Trade Show kuwaasi oo ku dhabar adeegay hergalinta iyo joogteenta Bandhig Carweedka Ganacsiga oo ay qabteen Sanadkii 4aad.
Guddoomiyaha Rugta Ganacsiga Mudane “Gabayre” oo kamid ah masuuliyiinta goobta ka hadashay ayaa yiri “Bandhigaani waxa uu fursad u-yahay qof kasta ee kasoo qayb gala, waa madal ay ku kulmeen ganacstada iyo macaamiishooda. Waan uga mahadcelineynaa Somalia Trade Show Bandhiga Ganacsigga Soomaaliyeed, in meelo kabalaaran lagu qabtana waan rajeeynayaa sida carwadii dalka”.
DHAMMAAD
Wixii faahfaahin ah, fadlan kala xiriir;
Xafiiska Warfaafinta Rugta Ganacsiga iyo Warshadaha Soomaaliyeed
Adam Hassan Mohamud
somalichamberofcommerce@gmail.com,
info@somalichamber.so
@somaliacci
RA’IISUL WASAARE KU-XIGEENKA XFS OO KULAN LA QAATAY QAAR KAMID AH GANACSATADA DALKA.
Ra’iisul Wasaare Ku-xigeenka Xukuumadda Federaalka Soomaaliya Mudane Saalax Axmed Jaamac, ayaa kulan la yeeshay qaar kamid ah qaybaha kala duwan ee ganacsatada dalk, kulani ayaa waxaa looga hadlayay dhibaatooyinka ay sababeen roobabka dayrta ee ka da’aya qaar kamid ah gobollada dalka.
Kulanka ayaa waxaa lagu soo bandhigay xaaladda dhabta ah ee ay sababeen roobabka, waxaana ilaa iyo hadda inta la xaqiijiyey ku dhintay daadadka iyo fataahadaha ka da’ay qaar kamid ah gobollada dalka, dadka gaaraya 25 ruux, iyada oo ay saameyn ku yeesheen 717, 825 kun oo qof.
Ra’iisul Wasaare Ku-xigeenka ayaa sheegay in xaaladdu ay ka sii dari karto, maadaama ay soo wajahan yihiin roobab iyo daadad cusub sida ay tilmaameyso saadaasha iyo digniinaha soo baxaya. Mudane Saalax ayaa hoosta ka xariiqay sida ay lagama maarmaan u tahay in la helo xeelad walba oo gurmad loogu fidin karo meelaha ay go’doomiyeen daadadka iyo fatahaadaha is wata.
Guddoomiyaha Rugta Ganacsiga iyo Warshadaha Soomaaliyeed Mudane Maxamuud Cabdi Cali “Gabayre” oo ku hadlaayay magaca ganacsatada kulanka kasoo qayb galshay ayaa sheegay in ay dhankooda ay diyaar u yihiin gurmadka walaalahooda Soomaaliyeed ee dhibaatadu ka soo gaartay fataahadda iyo daadka ay sababeen roobabkii dayrta ee ka da’aya dalka.
DHAMMAAD
Wixii faahfaahin ah, fadlan kala xiriir;
Xafiiska Warfaafinta Rugta Ganacsiga iyo Warshadaha Soomaaliyeed
Adam Hassan Mohamud
somalichamberofcommerce@gmail.com,
info@somalichamber.so
@somaliacci
